Қазақстандық «КАЗАХСТАНПРОЕКТ» жобалық-зерттеу институтының экология бөлімі 2006 жылы құрылды. Экология бөлімі мамандарының жоғары біліктілігі мен кәсіби деңгейі жобаланатын және салынған нысандардың қоршаған орта құраушыларына әсер етуін бағалау жөніндегі міндеттерді жоғары деңгейде әрі белгіленген уақытта орындауға мүмкіндік береді.
Жұмыстарды орындау кезінде есептеулер жүргізу үшін қоршаған ортаға ықпал ететін әсерлердің күтілетін деңгейін толық бағалауға, графикалық түрде есептер қорытындыларын көрнекі түрде ұсынуға, қарастырылатын нысандардың әсер ету аймақтарын кешенді түрде анықтауға, қоршаған ортаны қорғау жөніндегі іс-шараларды қалыптастыруға мүмкіндік беретін «Эра V 1.7.» сертификатталған бағдарламасы қолданылады.
Экология бөлімі Сіздер үшін келесі қызмет түрлерін орындайды:

• қоршаған ортаға әсерді бағалау (ҚОӘБ). Әртүрлі нысандарды салу үшін жоба алдындағы және жоба құжаттамасы құрамындағы «Қоршаған ортаны қорғау» бөлімін әзірлеу;
• кең көлемді және экологиялық қауіпті қызмет түрлері үшін қоршаған ортаға тигізетін әсерлерін бағалау;
• жол берілетін шекті шығарылу (ЖШШ) нормативтерінің жобаларын әзірлеу;
• ластаушы заттардың жол берілетін шекті төгілу (ЖШТ) нормативтерінің жобаларын әзірлеу;
• қалдықтарды орналастыру нормативтерінің (ҚОН) жобаларын әзірлеу;
• санитарлық қорғау аймақтары жобаларын әзірлеу;
• қалдықтардың қауіптілігі төлқұжаттарын әзірлеу;
• қажетті құжаттаманы әзірлеп, рұқсат алуға өтінімді дайындау;
  • қоршаған ортаны қорғау жөніндегі іс-шаралар жоспары;
  • өндірістік экологиялық бақылау бағдарламасының жобасы;
  • ластаушы көздерінің тізілімдік төлқұжаттары.

Табиғат қорғауды жобалау және нормалау саласындағы мәселелер бойынша сіздерге кеңес беру көмегін беруге әрдайым дайынбыз.